ANG IGLESYA NG ROMANO
KATOLIKO AT ANG
PAGPAPATUPAD SA
PAGSAMBA SA ARAW NG
LINGGO
Ang Hayop
Apokalipsis 13:14-18 : "At nadadaya niya ang mga nananahan sa lupa dahil sa mga tanda na sa kaniya'y ipinagkaloob na magawa sa paningin ng hayop; na sinasabi sa mga nananahan sa lupa, na dapat silang gumawa ng isang larawan ng hayop na mayroon ng sugat ng tabak at nabuhay. At siya'y pinagkaloobang makapagbigay ng hininga sa larawan ng hayop, upang ang larawan ng hayop, ay makapangusap, at maipapatay naman ang lahat ng hindi sumasamba sa larawan ng hayop. At ang lahat, maliliit at malalaki, at mayayaman at mga dukha, at ang mga laya at ang mga alipin ay pinabigyan ng isang tanda sa kanilang kanang kamay, o sa noo; At nang huwag makabili o makapagbili ang sinoman, Kundi siyang mayroong tanda, sa makatuwid ay ang pangalan ng hayop o bilang ng kaniyang pangalan. Dito'y may karunungan. Ang may pagkaunawa ay bilangin ang bilang ng hayop; sapagka't siyang bilang ng isang tao; at ang kanyang bilang ay anim na raan at anim na pu't anim."
Kilalanin Ang Hayop
Bago natin pag-usapan ang hayop, kailangan nating unawain ang karanasan at kasaysayan ng nauna sa hayop. Ang pinakamabuting lugar sa pagsisimula ay sa aklat ng Daniel, na may mas malawak na hula, mula sa 6th siglo B.C. pababa hanggang sa katapusan ng panahon.
Ang pagpapaliwanag ng mga simbolong ginamit sa Biblia ng hula ay hindi ipinagkatiwala sa paghuhula ng tao.
Ang hula ay kasaysayang isinulat ng pauna at ang aklat ng Daniel ang susi upang maunawaan ito. Ang hayop sa hula ay nangahuhulugang hari o kaharian, "Ang mga dakilang hayop na ito na apat, ay apat na hari, na magbabangon sa lupa." Daniel 7:17 at "ang ikaapat na hayop ay magiging ikaapat na kaharian sa ibabaw ng lupa," Daniel 7:23 ang nagtuturo nito. Bigyang pansin na ang 'hari' at 'kaharian' ang puwedeng ipagpapalit-palit. Daniel 7:3 ay nagsasabi na ang apat na hari "nagsiahon mula sa dagat," ang dagat o tubig sa hula ang kahulugan "ay mga bayan, at mga karamihan, at mga bansa, at mga wika." Apokalipsis 17:15. Sa kapitulo 7 ng Daniel mayroong kasalukuyan, at pang hinaharap na kaharian ng sanlibutan na ipinakita sa propeta.
Ang Hayop Na Leon
"Ang una'y gaya ng leon, at may mga pakpak ng agila: aking minasdan hanggang sa ang mga pakpak nyao'y nahugot, at ito'y nataas mula sa lupa, at pinatayo sa dalawang paa na gaya ng isang tao; at puso ng tao ang nagbigay sa kaniya." Daniel 7:4. Ito ay tumutukoy sa Emperyo ng Babilonya na siyang naghari sa panahon ni Daniel.
Ang Hayop Na Oso
"At narito, ang ibang hayop, na ikalawa, na gaya ng isang oso, at lumitaw sa isang tagiliran, at tatlong tadyang ang sa kanyang bibig sa pagitan ng kaniyang mga ngipin: at sinabi ng mga ito ang ganito sa kaniya, Bumangon ka, manakmal ka ng maraming laman." Daniel 7:5. Ito ay nagsisimbolo katulad ng isang nakita sa Daniel 2:39. Ang kaharian na sumunod sa Babilonya ay ang Medo-Persia. Ito ay dalawang kaharian na unang naghari ang Medes at sumunod ang Persians. Ang hula ay nagpapahayag ng aspeto na ang oso ay 'lumitaw sa isang tagiliran.' Ang tatlong tadyang ay kumakatawan ng ibang kapangyarihan na bumangon at naghari sa mga sumusunod: Lydia, Babilonya at Egipto.
Ang Hayop Na Leopardo
"Pagkatapos nito'y tumingin ako, at narito ang iba, gaya ng isang leopardo, na mayroon sa likod niyaon na apat na pakpak ng ibon; ang hayop ay mayroon din namang apat na ulo; at binigyan siya ng kapangyarihan." Daniel 7:6. Ang simbolong ito ay kumakatawan sa magkatulad na kapangyarihan na ipinahayag sa Daniel 2:39. Ito ay ang Emperyo ng Grecian sa ilalim ni Alexander the Great na nagpabagsak sa Persians, at nang mamatay siya ang kaniyang kaharian ay nahati sa 4 na bahagi na simbolo ng 4 na ulo.
Ang Ikaapat Na Hayop
"pagkatapo's nito'y may nakita ako sa pangitain sa gabi, at, narito, ang ikaapat na hayop, kakilakilabot at makapangyarihan, at totoong malakas; at may malaking mga ngiping bakal; na
nanakmal at lumuluray, at niyuyurakan ng kaniyang mga paa ang nalabi: at kaiba sa lahat ng hayop na una sa kaniya; at siya'y may sangpung sungay." Daniel 7:7. Ang simbolong ito ay katulad din ang kapangyarihan na ipinahayag sa Daniel 2:40. Ang ikaapat na pandaigdig na kapangyarihan na maghari sa buong sanlibutan pagkatapos sa panahon ni Daniel ay ang paganong Romano. Ito ay kakaiba Sa ibang mga hayop na hindi alam ni Daniel kung ano ang ipapangalan niya. Hindi ito mailalarawan. Ang sangpung sungay ay nakasulat sa Daniel 7:24 na "sangpung hari na babangon/" Ito ang katotohanan na ang Emperyo ng Roma ay nahati sa sangpung kaharian sa pagitan ng taong 351 at 476 A.D.
Ang unang panahon at modernong pangalan :
1. Alemanni - Germany
2. Franks - France
3. Anglo-Saxons - England
4. Burgundians - Switzerland
5. Visigoths - Spain
6. Suevi - Portugal
7. Lombards - Italy
8. Heruli
9. Vandals
10. Ostrogoths
Ang Munting Sungay
"Aking pinagdilidili ang mga sungay, at narito, sumibol sa gitna ng mga yaon ang ibang sungay, isang munti, na sa harap niya'oy tatlo sa mga unang sungay ay nabunot sa mga ugat: at, narito, sa sungay na ito ay may mga mata na parang mga mata ng tao, at isang bibig na nagsasalita ng mga dakilang bagay." Daniel 7:8. Ang bersikulong ito ay nagbibigay ng dalawang mapagki-lanlang tanda upang makita ang 'munting sungay sa kasaysayan. Ito ay sumibol sa gitna' ng mga sangpung sungay (kaharian) at ang 'tatlo' sa orihinal na sangpu ay ibinagsak ang kapangyarihan. Sa bandang huli, sa Daniel 7:24, may ibang mapagkilanlang tanda naman ang ibinigay. Ang munting sungay ay babangon na 'kasunod' ng sangpung sungay. Mayroon isang mas higit ang kapangyarihan sa buong kasaysayan na na-aangkop sa paglalarawan. Mismo sa Roma ang pinakasentro ng pagkawasak ng kaharian na bumangon pagkaraan ng 476 A.D. ang KAPAPAHAN, ang isang-taong gobyerno ng Romano katoliko. Sa kanyang pagbangon upang maghari sa tatlong tribu ng Gothic, ang Heruli, ang Vandals, at ang Ostrogoths, ay ibinagsak at naglaho sa kasaysayan. Ang kapangyarihang pamumuno ng mga haring ito ay dumaan sa papa. Ang Kapangyarihan ng kapapahan ay itinatag sa kautusan ng Justinian noong 533 A. D. at ipinagpatuloy ng lakas-bisig noong 538 A.D. na ibinagsak ng Justinians heneral na si Belisarius ang ostrogoths.
Ang Pangwakas Na Ebidensiya
Mayroon pang mapagkilanlang tanda na nakasulat sa Daniel 7:25. Nagsasabi na "lilipulin niya ang mga banal ng Kataas-taasan" na nagpapahayag ng dakilang pag-uusig. Walang mambabasa ng kasaysayan na itanggi ang paghahari ng kapapahan ng tulad nito. Ang nakamamatay na pag-uusig noong madilim na kapanahunan ay lubos na nagpadilim sa mga pahina ng kasaysayan.
"At kanyang iisiping baguhin ang panahon at ang kautusan." Ito ay ginawa ng kapapahan sa pag-alis ng ikalawang utos (ang pagbawal sa pagsamba sa mga diyos-diyosan) at ang pagbago ng ikaapat (tanging isa na may panahon). Ang maling Araw ng pagsamba ay naisakatuparan na sa pagbago ng orihinal na ikapitong araw ng Sabbath na ipinangilin ni Kristo at ng mga apostoles.
1,260 Taon
Ang kasunod na palatandaan ay walang pag-alinlangan, na walang ibang kapangyarihan sa sanlibutan ang angkop sa hula. Na siya, ay maghahari ng 1,260 taon. Ito ay nabanggit ng dalawang ulit sa Daniel at limang ulit sa Apokalipsis, ang sumusunod: "panahon, mga panahon, at kalahati ng panahon." (Panahon = 1 taon sa Biblia ng 360 araw; Mga panahon = 2 taon sa Biblia; Kalahati (1/2) = kalahating taon sa Bibla; 3 1/2 x 360 = 1,260 taon o araw.) Sa Daniel 7:25 at 12:7 at Apokalipsis 12:14 "apa't na pu't dalawang buwan (42 buwan) sa Apokalipsis 11:12 at 13:5 at ang "dalawangdaan at anim na pung araw" sa Apokalipsis 11:3 at 12:6 (ang isang taon sa kalendaryo ng hula ay 360 araw, o labindalawang buwan (12 buwan) ng 30 araw bawa't buwan, ay ginamit sa Biblia ng pagkakasunod-sunod.)
Ang kapangyarihang ito ay maghahari ng 1,260 araw, bawat araw ay isang taon, o 1,260 taon (Ezekiel 4:6, Numbers 14:34); Mula 538 A.D., ang huling sungay na lumaban ay nabunot, hanggang 1798. Sa taong ito, si Bethier, isa sa mga heneral ni Napoleon, ay dinala ang French na mga sundalo sa Roma, at ikinulong ang Obispo ng Roma, si Papa Pius VI, at dinala siya sa France at dito namatay. Ang sibil na kapangyarihan ng kapapahan ay nahinto at ang republika ang itinatag sa Roma.
1,260 Taon
538 A.D. <-------------- Ang Madilim Na Panahon -------------> 1798 A.D.Nguni't ang hula tungkol sa kapapahan ay hindi natatapos dito.
Tingnan ang ilang mga reperensiya na tumutukoy sa kapapahan na naghari ng 1,260 taon, sa aklat ng Apokalipsis. Simula sa kapitulo 13 makikita sa bersikulo 1-10 na tumutukoy ulit ang pagbangon ng kapapahan upang bigyang kapangyahiran ang nahulog na Emperyo ng Roma, ang dakilang kapangyarihan noong 1,260 taon, at ang nakamamatay na sugat na natanggap yaon ding katapusan ng panahon. Sa bersikulo 3 nagsasabi, "At nakita ko ang isa sa kaniyang mga ulo na waring sinugatan ng ikamamatay; at ang kaniyang sugat na ikamamatay ay gumaling: at ang buong lupa'y nanggilalas sa hayop." Makikita natin sa Daniel 7:21, 22 na ang kapangyarihang ito ay mananatili hanggang sa ikalawang pagparito ni Kristo.
Positibo na nakilala na natin ang hayop ng Apokalipsis 13:14-18 na ito ay ang Kapapahan o ang Iglesia ng Romano katoliko, ngunit sino ang larawan ng hayop na binabanggit dito?
Binuo Ng Hayop Na May Sungay Na Kagaya
Ng Kordero Ang Larawan Ng Hayop
'AT NAKITA KO ANG IBANG HAYOP . . . ' Ang Simbolo Ang Kahulugan Umaahon sa lupa. Apokalipsis 13:11. Umaahon sa ilang bagong bakante o kakaunting naninirahan sa lupa. Umaahon sa panahon na ang hayop sa dagat ay bumagsak. Apokalipsis 13:10. Lumago na isang bansa sa panahon na ang kapapahan ay bumagsak - 1798. At may dalawang sungay na katulad ng sa isang kordero - bersikulo 11. May dalawang katulad na prinsipyo ni Kristo na nagbibigay ng lakas (sibil at relihiyosong kalayaan). Walang koran sa mga sungay - bersikulo 11. Hindi monarkiya - isang matatag na republika. At kaniyang isinasagawa ang buong kapamahalaan kapantay ng unang hayop. Apokalipsis 13:12. Magiging nakatatakot kung walang pinakamataas na sanlibutang kapangyarihan.
Sa pagitan ng ikamamatay na sugat at ang muling pagbangon upang may kapamahalaan sa ibang hayop ay makikita sa Apokalipsis 13:11, 12, "At nakita ko ang ibang hayop na umaahon sa lupa; at may dalawang sungay na katulad ng sa isang kordero, at siya'y nagsasalitang gaya ng dragon. At kaniyang isinagawa ang buong kapamahalaan ng unang hayop sa kaniyang paningin. At pinasasamba niya ang lupa at ang nanga nanahan dito sa unang hayop, na gumaling ang sugat na ikamamatay."
Ang "hayop na umaahon sa lupa" ay isang bansa na umahon mula sa ilang. Ito ay isang bansa na natagpuan na hindi pa nasasakop. Ito ay may "dalawang sungay kagaya ng kordero" na may Kahulugan ng kabataan, maginoo, at kumakatawan sa sibil at relihiyosong kalayaan. Ngunit "siya'y nagsasalitang gaya ng dragon," "isinasa-gawa ang buong kapamahalaan ng unang hayop" at "pinasasamba niya ang lupa at ang nangana-nahan dito sa unang hayop."
Tanging isang kapangyarihan sa kasaysayan ang nag-aangkop ng limang paliwanag ng hula, na tinutukoy and Estados Unidos ng America. Nakita natin sa bersikulo 14 na nagsimula sa isang maamong pag-uugali ngunit naging mabangis hanggang sa katapusan ng panahon. Nakita natin na binuo ang larawan ng hayop - ang eksaktong kopya kung ano ang kapapahan noong 1,260 taon na pag-hahari. Kung ang nangungunang mga Iglesia ng Estados Unidos ng America, nag-kaisa sa lahat ng punto ng doktrina na nagpanatili na sila ay magkaisa, ay mahikayat ang Estados upang mapasunod ang kautusan at mapanatili ang institusyon, samakatwid ang protestanteng America ay bubuo ng larawan ng herarkiya Romano, at ang pagbibigay-hirap ng sibil na parusa sa mga mamamayan na siyang magiging resulta.
Ang hula ay nagpapahayag na ang America ay itataas ang kabanalan sa araw ng linggo, na siyang tanda ng awtoridad ng kapapahan upang maisagawa ang kanyang mga utos; at ang buong sanlibutan ay mapasunod! Ito ang ipinag mamalaki ng kapapahan na pwede nilang baguhin ang utos ng Dios, ang sangpung utos. Ito ang magiging isyu sa hinaharap, kahit hanggang sa punto ng kamatayan (Apokalipsis 13:14, 15) Ang UTOS NG DIOS o ang mga utos na tao?
Bigyan pansin na sa ngayon "siya'y gumagawa ng mga dakilang tanda, na ano pa't nakapagpapababa ng kahit apoy mula sa langit hanggang sa lupa sa paningin ng mga tao" "anopa't, ililigaw kung maaari, pati ng mga hirang." Apokalipsis 13:13 at Mateo 24:24.)
Ang kapapahan ay inaamin ang pagbabago ng Sabbath sa unang araw ng isang linggo ay kagagawan niya at tanda ng kanyang awtoridad sa mga relihiyosong bagay.
'TANONG: Mayroon pa bang katunayan ng tunay ngang ang Iglesia ay may kapangyarihang itayo ang panuntunan ng pista?'
'SAGOT: Wala ba siyang kapangyarihan, hindi niya ito magagawa kung hindi rin ang ibang mga relihiyoso ay sumasang-ayon sa kanya, hindi niya sana mapapalitan ang araw ng Sabbath na siyang ipinag-utos sa araw ng linggo, kung saan walang anumang pahintulot ang Bibliya.'
(Stephen Keenan, 'A Doctrinal Cathechism, 3rd ed p. 174.)
'Siyempre inaamin ng Iglesiya katoliko na ang pagbabago (Sabado sa linggo) ay kagagawan niya. At ang gawang iyon ay TANDA ng, kaniyang eklesiastical na kapangyarihan.'
'Kung ang mga protestante ay sumunod sa Biblia, ay dapat sila na magsamba sa Dios sa araw ng Sabbath. Sa pagsamba sa araw ng linggo, ay sinusunod nila ang kautusan ng Iglesia katoliko.'
(Albert Smith, Chancellor of the Catholic Archdiocese of Baltimore, ang sagot sa sulat para sa Cardinal, Feb. 10, 1920.)
Ang Tanda Ng Hayop
Hindi lamang ito panlabas na simbolo, dahil kung gayon, ito ay ipipilit doon sa mga laban o salungat dito. Doon sa mga tumatanggi Sa tanda ay "nagsisitupad ng mga utos ng Dios, at ng pananampalataya kay Jesus" (Apokalipsis 14:12); kaya doon sa mga may tanda ay hindi sila nagsisitupad. Doon sa mga tumanggap ng Selyo ng Dios ay magtatagumpay laban sa tanda ng hayop (apokalipsis 9:4; 15:2.); sa ganito, ang marka ay ang paglabag sa sangpung utos, dahil ang selyo ng Dios ay matatagpuan sa Kanyang Moral na utos. (Tingnan sa ibaba.)
Ang ikaapat na utos, na ang Roma ay pinagsumikapang isang tabi, na siyang tanging utos na tumutukoy sa Dios bilang Manlalalang ng mga langit at lupa, at nagpapa-kilala ng tunay na Dios mula sa maling mga dios. Ang Sabbath ay itinatag sa pag-alaala sa paglalang, at itinuturo ang kaisipan ng mga tao sa tunay at Buhay na Dios. Ang katotohanan ng Kanyang kapangyarihang paglalang ay mas higit na mataas kaysa sa mga paganong dios-diosan. Kung ang Sabbath ay pinatiling tinupad, ang kaisipan at pag-ibig ng mga tao ay maging-daan sa kanyang Manlalang bilang isang layunin sa paggalang at pagsamba, at wala na sanang may mananamba sa dios-diosan, o Atheist, o taong hindi naniniwala sa Dios.
Ang institusyon na nagtuturo sa Dios bilang Manlalalang ay isang palatandaan ng Kanyang karapatang awtoridad sa lahat ng mga bagay na Kanyang ginawa. Ang pagbabago ng Sabbath ay isang tanda o marka ng awtoridad ng Iglesia Romano. Doon sa mga nakakaunawa tungkol sa ikaapat na utos, ay mas pinili ang pagsamba sa mali kapalit sa tunay na Sabbath, ay tunay na sumusunod sa kapangyarihan na siyang tanging nag-utos.
Ang tanda ng hayop ay matatanggap sa noo o sa kamay - ang noo - simbolo ng paniniwala, sa kamay - pakikiisa sa awtoridad.
Wala sinoman ang may tanda sa ngayon. Ito ay matatanggap kung ang nasyonal o inter-nasyonal Sunday law ay ipapatupad ng legislasyon, na pigilan ang konsensiya ng mga lalaki, babae, at kabataan tungkol sa kalayaan sa pagsamba.
Kung ang pagsamba sa araw ng linggo ay ipatupad ng batas, at ang sanlibutan ay maliwanagan tungkol sa obligasyon ng tunay na Sabbath, yaong maglabag sa utos ng Dios, at sundin ang utos ng mataas na awtoridad ng Roma, ay mas binigyang dangal ang kapapahan higit sa Dios. Siya ay nagbibigay respeto sa Roma at sa kapangyarihan na nagpapatupad ng institusyon na inordinahan ng Roma. Siya ay sumasamba sa hayop at sa kanyang larawan. Kung ang mga tao ay tinanggihan ang institusyon na pinahayag ng Dios bilang tanda ng kanyang awtoridad, at sa halip bigyang dangal ang Roma na kanyang pinili bilang kanyang pinaka-mataas, magkagayon ay tinatanggap nila ang tanda ng pagsunod sa Roma - "Ang marka o tanda ng hayop." At hindi magtatagal ang usapin ay ilalagay sa harapan ng mga tao, at sila ay pagpipiliin kung ang utos ng Dios, o ang utos ng tao, yaong magpatuloy sa paglalabag ay makakatanggap ng "Marka o tanda ng hayop."
Ang Tatak Ng Dios
Ang tanda o tatak ay magkahalintulad ng kahulugan sa Biblia nakaugnay sa mga batas o legal ng mga dokumento.
Nota: Ang opisyal na tatak ay makikita sa tatlong bagay:-
Ang pangalan ng nagbigay ng kautusan.
Ang kanyang opisyal na posisyon o matuwid na pamumuno.
Ang kaharian o teretoryo na kung saan kanyang pinamumunuan.
Halimbawa:-
Pangalan ng tao - Abraham Lincoln.
Opisyal posisyon - Pangulo.
Nasasakupan - Estados unidos ng America.
ANG TATAK NG DIOS AY NAKAUGNAY SA KANYANG KAUTUSAN AT MATATAGPUAN SA IKAAPAT NA UTOS.
Exodo 20:8-11 "Alalahanin mo ang araw ng Sabbath upang ipangilin. Anim na araw na gagawa ka at iyong gagawin ang lahat ng iyong gawain. Ngunit ang ikapitong araw ay Sabbath sa Panginoon mong Dios: sa araw na iyan ay huwag kang gagawa ng ano mga gawa, ikaw, ni ang iyong anak na lalake ni babae, ni ang iyong aliping lalake ni babae, ni ang iyong baka, ni ang iyong tagaibang lupa na nasa loob ng iyong mga pintuang daan: Sapagkat sa anim na araw ay ginawa ng Panginoon ang langit at lupa, ang dagat, at lahat ng nangaroon, at nagpahinga sa ikapitong araw, na ano pa't pinagpala ng Panginoon ang araw ng Sabbath at pinakabanal."
Basahin ang sampung utos. Tanging sa ikaapat na utos lamang makikita ang:-
Pangalan ng dios - 'Panginoong Dios'.
Opisyal posisyon - 'Manlalalang'.
Kanyang nasasakupan - 'langit at lupa, ang dagat, at ang lahat ng mga bagay'.
Si Ezekiel ay nagsasabi tungkol sa Sabbath bilang tanda (tatak) ng Dios, "Bukod dito'y ibinigay ko rin naman sa kanila ang Aking mga Sabbath, upang maging tanda sa Akin at sa kanila, upang kanilang makilala na Ako ang Panginoon na nagpapaging banal sa kanila." Ezekiel 20:12. "Talian mo ang patotoo, tatakan mo ang kautusan sa gitna ng Aking mga alagad." Isaias 8:16.
Si Jesus ay nagsabi: "Huwag ninyong isiping Ako'y naparito upang sirain ang kautusan o ang mga propeta: Ako'y naparito hindi upang sirain, Kundi Aking ganapin., Sapagkat Katotohanang sinasabi ko sa inyo, hanggang sa mangawala ang langit at ang lupa, ang isang tudlok o isang kudlit, sa anomang paraan ay hindi mawawala sa Kautusan, hanggang sa maganap ang lahat ng mga bagay." Mateo 5:17-18.
At narito, lumapit sa kaniya ang isa, at nagsabi, "Guro, ano ang mabuting bagay na gagawin ko upang ako'y magkaroon ng buhay na walang hanggan? At Sinabi Niya sa kanya, Bakit mo itinatanong sa akin ang tungkol sa mabuti? May isa, na siyang mabuti: datapuwa't kung ibig mong pumasok sa buhay, ingatan mo ang mga utos. Sinabi niya sa kanya, Alin-alin? At Sinabi ni Jesus, 'Huwag kang papatay, Huwag kang mangangalunya, Huwag kang magnanakaw, Huwag sasaksi sa di katotohanan. Igalang mo ang iyong ama at ang iyong ina; at iibigin mo ang iyong kapuwa na gaya ng iyong sarili." Mateo 19:16-19.
"Nang pasimula siya ang Verbo, at ang Verbo ay sumasa Dios, at ang Verbo ay Dios. Ito rin nang pasimula'y sumasa Dios, ang lahat ng mga bagay ay ginawa sa pamamagitan niya: at alin man sa lahat ng ginawa ay hindi ginawa kung wala siya ... At nagkatawang tao ang Verbo, at tumahan sa gitna natin (at nakita namin ang kaniyang kaluwalhatian, kaluwalhatian gaya ng sa bugtong ng Ama), na puspos ng biyaya at katotohanan." Juan 1:13, 14. Ang ikapitong araw na pamamahinga ay kabahagi ng kautusan ng Dios, ang linggohang paalala ni Kristo ang ating Tagapaglikha at Manunubos. Ang nalabing Iglesia sa huling araw ay manghahawak sa lahat ng kautusan ng Dios: "At nagalit ang dragon sa babae, at umalis upang bumaka sa nalabi sa kanyang binhi, na siyang nag-sisitupad ng mga utos ng Dios, at mga may patotoo ni Jesus." Apokalipsis 12:17. (Ang babae ayon sa hula ay nangahulugan na Iglesia.)
666
Ang Bilang Ng Kanyang PangalanAng apokalipsis 13:18 ay nagdadagdag ng Patotoo sa atin, "Dito'y may karunungan. Ang may pagkaunawa ay bilangin ang bilang ng hayop, sapagka't siyang bilang ng isang tao: at ang kanyang bilang ay Anim na raan at anim na put anim."
Ang hayop na nakilala na, ang bilang, anomang makahulugan na meron siya, kailangan may relasyon sa kapangyarihang ito. Arg bilang ayon sa hula, ay bilang ng tao; at kung ito ay tumutukoy sa pangalan o titulo, ang likas na kabuuan nito ay tumutukoy sa pangalan o titulo ng isang particular na tao. Vicarius Filii Die, ibig sabihin "KAHALILI ng ANAK NG DIOS," ito ang titulo ng Papa sa Roma, na siya rin ang anti-Kristo.
Ang kahulugan ng mga bilang sa mga letra ng titulo sa 666 ay ang mga sumusunod:
V =
5
F =
0
D =
500
112
I =
1
I =
1
E =
0
53
C =
100
L =
50
I =
1
+ 501
A =
0
I =
1
=
501
= 666
R =
0
I =
1
I =
1
=
53
U* =
5
S =
0
=
112
(* Ang u at v ay mapagpapalit Tingnan ang Encyclopedia sa ilalim ng alpabeto.)
Ngayon ay mayroon na tayo ng bilang ng tao, ang bilang ng tao ng makasalanan at ito'y di karaniwan subali't niloob upang siya'y makapamili ng titulo na makapagtatanghal ng nakapamumusong na karakter ng hayop, na maging dahilan na isulat sa kanyang mitre, na magpapakilala sa kanya na may bilang na anim na raan at anim na pu't anim (666). Hindi lahat ng kapapahan ay makasuot ng titulong nakasulat sa mitre, subalit hindi ito makaapekto sa paggamit, dahil ang mga kapapahan ay inaangkin na sila ay "KAHALILI NI KRISTO," at ang Kastilang salita na nakasulat sa itaas, ay mga salita na nag papahayag ng titulo, "KAHALILI NG ANAK NG DIOS," at ang Kahulugan ng bilang ay Anim na raan at anim na pu't anim. (666).
Ang Mensahe Ng Tatlong Anghel
Upang maihanda ang mga tao na makatayo sa araw ng Dios, isang malaking gawain ng pagreporma ay kailangang maisagawa-nakita ng Dios na marami sa bayan na nag-aangking mga bayan ay hindi gumagawa para sa walang hanggan, at sa Kanyang awa siya ay nagpadala ng mensahe upang sila ay magising sa kanilang pagkatulog at pangunahan sila sa paghahanda sa pagbabalik ng Panginoon.
Ang babalang ito ay makikita sa Apokalipsis 14. Dito ang tatlong mensahe na kumakatawan sa pagpahayag ng makalangit na mensahero at kaagad ang kasunod ang pagdating ng Anak ng tao upang mag-ani. "Ang pag-ani sa sanlibutan."
Ang Mensahe Ng Unang Anghel
Ang unang babala ay nagpapahayag na darating na paghahatol. "At nakita ko ang ibang anghel na lumilipad sa gitna ng langit, na may mabuting balita na walang hanggan upang ibalita sa mga nananahan sa lupa, at sa bawat bansa at angkan at wika at bayan; At sinasabi niya ng malakas na tinig, Matakot kayo sa Dios, at magbigay kaluwalhatian sa kaniya; sapagkat dumating ang panahon ng kaniyang paghatol, at magsisamba Kayo sa gumawa ng langit at ng lupa at ng dagat at ng mga bukal ng tubig." Apokalipsis 14:6, 7.
Ang pabalitang, "Sapagka't dumating ang panahon ng kaniyang paghatol," ito ay tumutukoy sa pagsasara ng gawain ng Panginoong Jesus bilang tagapamagitan para sa kaligtasan ng tao. Ito ay nagpapahayag ng katotohanan na ipabalita hanggang matapos ang gawaing tagapamamagitan ng ating manunubos at siya'y babalik sa lupang ito upang kunin ang kanyang bayan. Ang gawain ng paghatol ay nagsimula noong 1844 at ito ay magpatuloy hanggang ang lahat ng Kaso ay madesisyonan, sa mga buhay at mga patay, ito ay mag-papatuloy hanggang sa pagsara ng pinto ng awa o kaligtasan. Para maihanda ang mga tao na makakatayo sa paghatol. Ang mensahe na nag-uutos sa tao na "Matakot Kayo sa Dios; at magbigay kaluwalhatian sa kanya," at magsisamba kayo sa gumawa ng langit at ng lupa at ng dagat at ng mga bukal ng tubig." Ang bunga sa pagtanggap ng mga mensahe ay ibinigay ng kasulutan: "Narito ang pagtitiyaga ng mga banal, ng mga nagsisitupad ng mga utos ng Dios, at ng pananampalataya ni Jesus." Apokalipsis 14:12. Upang maging handa sa paghatol kinakailangan ng tao na tumupad sa kautusan ng Dios. Ang Kautusan ay siyang batayan ng karakter sa paghatol. Sinabi ni Apostol Pablo: "At ang lahat na nangagkasala sa ilalim ng kautusan ay sa kautusan din sila hahatulan, ... sa araw na hahatulan ng Dios ang mga lihim ng mga tao ... sa pamamagitan ni Jesukristo." At Kanyang sinabi na, "Kundi ang mangagsisitalima sa kautusan ay aariing mga ganap." Roma 2:12-16. Ang pananampalataya ay kinakailangan upang matupad ang kautusan ng Dios; "At kung Walang pananampalataya ay hindi maaaring maging kalugod-lugod sa kaniya." Hebreo 11:6. "At ang anomang hindi sa pananampalataya ay Kasalanan." Roma 14:23.
Ang unang mensahe ng anghel, ang mga tao ay tinatawagan upang "Matakot sa Dios at magbigay kaluwalhatian sa kaniya" at magsisamba kayo sa gumawa ng langit at ng lupa." Upang maisagawa ito, kailangan na tuparin ang Kanyang mga kautusan. Sabi ng matalinong tao: "Ito ang wakas ng bagay; lahat ay narinig: ikaw ay matakot sa Dios, at sundin mo ang kanyang mga utos: Sapagka't ito ang buong Katungkulan ng tao." Eclesiates 12:13. Kung walang pagsunod sa kanyang mga utos ay walang pagsamba na kalugod-lugod sa kanya. "Sapagka't ito ang pag ibig sa Dios, na ating tuparin ang kaniyan mga utos! At ang kanyang mga utos ay hindi mabigat." 1 Juan 5:3. "Siyang naglalayo ng kaniyang pakinig sa pakikinig ng kautusan, maging ang kanyang dalangin ay karumaldumal." Mga Kawikaan 28:9.
Ang Mensahe Ng Ikalawang Anghel
Ang unang anghel ay sinundan ng ikalawang anghel na nagsasabi: "Naguho, naguho ang dakilang Babilonia na siyang nagpainom sa lahat na bansa ng alak ng kagalitan ng kaniyang pakikiapid." Apokalipsis 14:8. Ang katagang "Babilonia" ay galing sa salitang 'Babel' ibig sabihin KAGULUHAN. Ito ay ginamit sa kasulatan upang ituro o ipakilala ang iba't ibang uri ng mali o tumalikod na relihiyon.
Ang mensahe sa Apokalipsis 14, ang nagpapahayag ng pagguho ng Babilonia ay maitukoy sa relihiyosong grupo o secta na dati ay dalisay ay naging mapangdaya. Ang mensaheng ito na sinundan ng babala tungkol sa paghatol, at ito'y maibigay sa huling mga araw. Datapuwa't ito ay hindi lang patukoy sa Iglesia ng Roma dahil ang Iglesiang ito ay naguho na sa maraming taon na ang nakalipas. Gayon pa man, sa ikalabing walong kabanata ng Apokalipsis ang bayan ng Dios ay tinatawagan na lumabas sa Babilonia. Ayon sa kasulatang ito marami pang anak ng Dios na nasa Babilonia. At sa anong relihiyosong pulutong matatagpuan ang malaking bahagi na tagasunod ni Kristo? Walang pag-aalinlangan, iba't-ibang Iglesia na nag-aangkin ng Protestang pananampalataya.
Marami sa mga protestang Iglesia ay sumusunod sa yapak ng Roma gaya ng makasalang Pakikiapid sa mga "hari ng lupa" o mga namumuno sa lupa." Ang Iglesiang makalupa, sa pamamagitan ng kanilang pakikipagrelasyon sa pamahalaan;at ibang mga denominasyon, sa kanyang paghahanap ng tulong sa sanlibutan. At ang katagang "Babilonia" -- KAGULUHAN -- ito ay maingkop sa mga pulutong, lahat na nag-aangkin ng doktrina sa Biblia, datapuwa't nagkahati-hati sa maraming sekta, na may malawakang pagkakasalungat na pananampalataya at teorya.
Maliban sa makasalanang pakikiisa sa sanlibutan, ang mga Iglesia na hiwalay sa Roma na nagtuturo ng Kanyang Katangian at doktrina:
Dios diosan tungkol sa mga banal at rebulto.
Laban kay Kristo sa spirituwal at mga gawi.
Kabanalan ng araw ng linggo.
Likas na walang pagmamaliw ng kaluluwa.
Walang hanggang impiyernong apoy.
Mga patay na banal ay nasa langit.
Pagtangi na nabuhay si Kristo bago pa ang kanyang Kapanganakan sa Bethlehem.
Ang Mensahe Ng Ikatlong Anghel
"At ang ibang anghel, ang pangatlo, ay sumunod sa kanila, na nagsasabi ng malakas na tinig, kung ang sinoman ay sumasamba sa hayop at sa kaniyang larawan, at tumatanggap ng tanda sa kanyang noo, o sa kaniyang kamay, ay iinom din naman siya ng alak ng kagalitan ng Dios, na nahahandang walang halo sa inuman ng kanyang kagalitan; at siya'y pahihirapan ng apoy at asupre sa harapan ng mga banal na anghel, at sa harapan ng Cordero: At ang usok ng hirap nila ay napaiilanglang magpakailan kailan man, at sila'y walang kapahingahan araw at gabi, silang mga nagsisisamba sa hayop at sa kaniyang larawan, at sinomang tumatanggap ng tanda ng kaniyang pangalan. Narito ang pagtitiyaga ng mga banal, ng mga nagsisitupad ng mga utos ng Dios, at ng pananampalataya ni Jesus." Apokalipsis 14:9-12.
Ngayon ating mabasa na kung sinomang sasamba sa hayop - Ang Iglesia Romano Katokilo - at sa kanyang larawan - Mga Protestanteng Iglesia Na Nakikiisa Sa Pamahalaan Upang Ipatupad Ang Kautusang Pang Relihiyon - at tatanggap ng tanda - Pagsamba Sa Araw Ng Linggo Na Ipapatupad Ng Batas - sa kanyang noo - Naniniwala Na Ito Ang Tama - o sa kanyang kamay - Pakikiisa Sa May Kapangyarihan Upang Makaiwas Sa Kaparusahan - ay iinom din naman ng alak ng kagalitan ng Dios, na nahahandang walang halo - ay paparusahan ng Dios sa apoy at ganap na mauubos sila upang makalimutan sila ng mga naligtas.
Ang nakakatakot na pagbabanta na naibalita sa tao ay ang nilalaman ng mensahe ng ikatlong anghel. Kung saan ang nakakatakot na kasalanan na naghahatid ng kagalitan ng Dios na walang halong awa. Ang mga tao ay hindi maiiwang nasa kadiliman tungkol sa mahalagang bagay na ito; ang babala laban sa kasalanan ay dapat maibigay sa sanlibutan bago dumating ang kahatulan ng Dios, na Kung saan ang lahat ay makaalam kung bakit ito ay maisagawa at may pagkakataon na makaiwas sila. Ang hula ay nagsasabi na ang unang anghel ay nagawang maipabalita sa "bawa't bansa, angkan, salita at mga tao." Ang Babala ng ikatlong anghel, na kung saan ito ay kabahagi ng magkatulad ng tatlong mensahe at ito ay maikalat ng malawakan. Ito ay ipinahayag sa hula na ipahayag na may malakas na sigaw ng anghel na lumilipad sa gitna ng langit; at ito'y mag-atas ng pansin sa sanlibutan.
Ang Ikaapat O Ang Ibang Anghel
"Pagkatapos ng mga bagay na ito ay nakita ko ang ibang anghel na nananaog mula sa langit, na may dakilang kapamahalaan; at ang lupa ay naliwanagan ng kaniyang kaluwalhatian at siya'y sumigaw ng malakas na tinig, na nagsasabi, Naguho, naguho and dakilang Babilonia, at naging tahanan ng mga demonio, at kulungan ng bawa't espiritung Karumaldumal, at kulungan ng bawa't Karumaldumal at kasuklamsuklam na mga ibon. Sapagka't dahil sa alak ng galit ng kaniyang pakikiapid ay nangaguho ang lahat ng mga bansa; at ang mga hari sa lupa ay nanga kiapid sa kaniya, at ang mga mangangalakal sa lupa ay nagsiyaman dahil sa kapangyarihan ng kaniyang kalayawan. At narinig ko ang ibang tinig na mula sa langit na nagsasabi, Mangagsilabas kayo sa kanya, bayan ko, upang huwag kayong mangaramay sa kaniyang mga kasalanan, at huwag kayang magsitanggap ng kaniyang mga salot: sapagka't ang kanyang mga kasalanan ay umabot hanggang sa langit at naalaala ng Dios ang kaniyang mga katampalasanan. Ibigay din ninyo ang ayon sa ibinigay niya sa inyo, at ibayuhin ninyo ng ibayo sa kaniyang mga gawa: sa sarong kaniyang pinaghaluan ay ipaghalo ninyo siya ng ibayo." Apokalipsis 18:1-6.
Sa Apokalipsis 18 ay tumukukoy sa panahon na kung saan sa pagtanggi ng tatlong babala ng Apokalipsis 14:6-12, ang Iglesia ay ganap na naabot ang kalagayan na ibinalita ng ikalawang anghel, at ang mga tao ng Dios ay nasa Babilonya sila ay tatawagan upang humiwalay sa kanyang pakikitungo.Ang mensaheng ito ay siyang pinakahuli na ipagkakaloob sa sanlibutan; at maipatupad ang gawain. Datapowa't doon sa, "hindi nag sisampalataya sa katotohanan, kundi nangalugod sa kalikuan." 2 Tesalonica 2:12, ay maiiwang tatanggap ng pandaraya at maniniwala sa kasinunga-lingan, gayon pa man ang liwanag ng katotohanan ay magniningas doon sa lahat na bukas ang puso sa pagtanggap nito, at ang lahat ng mga anak ng Panginoon Na Naiwan sa Babiloniya ay tatanggap sa panawagan. "Mangagsilabas kayo sa kaniya, bayan ko," Apokalipsis 18:4.
Bilang Konklusyon
Bago bumalik si Jesukristo sa sanlibutang ito, ang banal na kautusang iyon, ang katuwiran ng Dios, na ipinahayag sa Sinai sa kalagitnaan ng kulog at apoy bilang patnubay sa buhay, ngayon ay ipinahayag sa mga tao bilang alituntunin sa paghatol. At binuksan ng kamay ang tapyas na bato, at napahayag ang kautusan, na makita ng may bakas ng apoy. Di-maaari na maipahayag ang nakatatakot at Kawalang-pag-asa sa mga yumurak sa banal na kahilingan ng Dios.
Ang kaaway ng Dios sa kautusan, mula sa ministro hanggang sa pinakababa, ay may bagong pang-unawa sa katotohanan at tungkulin. Huli na ng makita nila na ang sabbath sa ikaapat na utos ay tatak ng buhay ng Dios. Huli na ng makita nila ang tunay na likas ng huwad na sabbath at ang hindi matibay na pundasyon na doon sila tumatayo. Nakita nila na sila ay nakikipagtalo sa Panginoon. Ang relihiyosong tagapagturo ay nagdala ng mga kaluluwa sa kamalian habang nagkukunwari na patnubayan sila sa mga pintuan ng paraiso. Sa araw ng katapusan ng pagpapaliwanag na malaman na ano kadakila ang tungkulin ng tao sa banal na posisyon at ang nakatatakot na resulta ng di - matapat. Sa walang hanggan natin malalaman ang kahalagahan ang isang kaluluwa. Nakatatakot ang maririnig ang sasabihin ng Panginoon! "Lumayo ka, ikaw na makasalanan na alipin."
Sa usapin ng labanan ng lahat ng Kristiyanismo ay mahahati sa dalawang dakilang klase - "ang mga nagsisitupad ng mga utos ng Dios, at ng pananampalataya ni Jesus; at ang sumasamba sa hayop at sa kaniyang larawan at tumatanggap ng tanda. Kahit na ang Iglesia at ang Estado ay pagkaisa ang kapangyarihan na mapasunod, ang lahat, maliliit at malalaki, at mayayaman at mga dukha, at ang mga laya at ang mga alipin." Apokalipsis 13:16, at tumatunggap "ng tanda ng hayop," ang bayan ng Dios ay HINDI tatanggap nito. Ang propeta sa Patmos ay nakita "yaong nangagtagumpay sa hayop, at sa kanyang larawan, at sa bilang ng kaniyang pangalan, ay nangakatayo sa tabi ng dagat ng bubog, na may alpa ng Dios" at inaawit nila ang awit ni Moises at ng cordero." Apokalipsis 15:2, 3.
Balik alaala sa hardin ng eden ang pagsunod ay nasubukan sa dalawang punungkahoy? Ngayon sa mga huling araw ang pagsunod ay masusubukan kung kaninong utos ang ating susundin. ANG UTOS NG DIOS O ANG UTOS NG TAO. Ang Sabbath ng Dios, o ang linggo paganong huwad.
"Narito ang pagtitiyaga ng mga banal,
ng mga nagsisitupad ng mga utos ng Dios,
at ng pananampalataya ni Jesus."
Apokalipsis 14:12.
